• Atu aktualiza informasaun kona-ba Timor-oan ne'ebe dadaun ne'e hela iha Reinu Unidu.
  
• Itaboot sira sei presiza inskrisaun konsular wainhira renova ka halo foun dokumentu sira ne'ebe Estadu Timor Leste hasai, hanesan Billete Identidade, Passaporte no selu-seluk tan.
  
• Hanesan rekizitu atu halo resenseamentu eleitoral.

Se maka bele rejista?

• Sidadaun Timor-Leste ne'ebe uluk tau naran tiha ona iha TL maibe agora hela iha Reinu Unidu, atu servisu ka iskola (rejistu hikas).
  
• Sidadaun Timor-Leste ne'ebe agora hela iha Reinu Unidu, no seidauk rejistu desde tinan 2002 (rejistu foun).
  
• Sidadaun Timor-Leste ne'ebe mai iha Reinu Unidu durnate tempu badak atu eskola ka nudar turista.
• Labarik ne'ebe moris iha Reinu Unidu ho inan-aman Timor-oan (rejistu foun).
  

Atu rejista presiza lori saida?

Rejistu hikas:

• Fotokopia Passaporte RDTL, ka fotokopia Kartaun Eleitoral RDTL nian;
  
• Prova rezidensia iha Reinu Unidu (faktura elektirisidade ka faktura seluk, ka surat ofisial husi itaboot nia servisu fatin ka iskola, hato'o ba itaboot nia naran ho enderesu aktual iha Reinu Unidu);
  
• Fotografia passaporte nian tahan rua (2).
  

Rejistu Foun:

• Fotokopia autentikada husi Sertidaun Moris nian;
  
• Fotokopia autentikada husi inan-aman nia Kartaun Eleitoral ka Sertidaun Moris RDTL nian;
  
• Prova rezidensia iha Reinu Unidu;
  
• Fotografia passaporte nian tahan rua (2). Click iha ne'e hodi hare'e informasaun kona-ba fotografia.