Rekizitu Jeral:

• Timor-oan hotu-hotu ne'ebe iha direitu ba nasionalidade Timorense iha direitu atu hetan Passaporte Republika Demokratika Timor-Leste nian;
  
• Aplikasaun ba Passaporte Timor nian bele halo ba Diresaun Nasional Rejistu no Notariadu husi Ministeriu Justisa nian;
  
• Sidadaun ne'ebe hela iha tasi-balun bele aplika ba Passaporte liu husi Embaixada Timor-Leste nian iha rai ne'ebe nia hela ba.
  

Atu aplika foun ka renova Passaporte, presiza tuir rekizitu sira iha okos ne'e:

1. Preenche no hatama formulariu aplikasaun Passaporte nian, hamutuk ho:

• Fotokopia Sertifikadu Moris RDTL nian (x1)
  
• Fotokopia Kartaun Eleitoral ka Bilhete Identidade RDTL nian (x1)
  
• Fotografia koloridu Passaporte nian, ho kotuk mutin(x2). hare'e regra foto nian iha ne'e.
  
• Assinatura ho tinta metan iha surat tahan mutin (labele ho tinta mean ka azul)
  
• Impresaun ka hanehan liman fuan indikador iha surat tahan mutin
  
• Ba renovasaun, hatama fotokopia husi pajina Passaporte tuan ne'ebe iha fotografia. Passaporte tuan ne'ebe la validu ona tenki hatama iha Embaixada.
  

2. Fo naran no numeru telefone husi familia ruma iha Timor ne'ebe ita konfia atu ba selu no foti Passaporte foun wainhira prontu ona.