Image description

Embassy of Timor-Leste

London

Image description

Eleisaun 2018

  

Hahu'u husi Eleisaun Parlamentar iha tinan 2017, Governu Timore-Leste hari'i centru votasaun iha rai liur, hodi Timor oan sira iha rai oi-oin bele vota. Iha Reinu Unidu, Governu hari'i sentru votasaun ida iha Embaixada Timor-Leste nian iha Londres. 

 

Atu bele vota, Timor oan sira iha Reinu Unidu tenki halo inskrisaun ho ekipa husi STAE, ne'ebe sei aktualiza sira nia informasaun no hasai Kartaun Eleitoral foun ba sira. 

 

Ba Eleisoens antesipadas ne'ebe sei halao tinan ne'e (2018), STAE, MNEC no Embaixada Timor-Leste nian iha Londres halao hela preparasaun atu hahu'u recenseamentu eleitoral be Timor-oan sira iha Reinu Unidu.

Se maka bele vota?

  • Timor oan hotu-hotu ho tinan 17 ba leten iha direitu atu vota.
  • Timor oan ne'ebe iha direitu atu vota presiza rejista iha STAE hodi hetan kartaun Eleitoral.

Presiza rekizitu saida deit?
Atu bele vota, eleitor hotu-hotu presiza apresenta nia kartaun eleitoral ne'ebe aktualizadu. Tuir lei eleitoral, eleitor sira bele vota deit iha fatin ne'ebe sira tau naran hodi hetan kartaun eleitoral. Timor oan iha Reinu Unidu barak liu maka uluk tau naran iha Timor-Leste. Tamba ne'e, atu sira bele vota iha sentru votasaun ne'ebe sei hari'i iha Reinu Unidu, sira presiza tuir resenseamentu eleitoral no aktualiza informasaun kona-ba sira nia residensia dadaun ne'e, no hetan kartaun eleitoral foun. 

Sidadaun sira ne'ebe sedauk rejista dala ida, bele halo rejistu foun.


Atu tuir resenseamentu, eleitor sira presiza halo hanesan tuir mai ne'e:

1. Preenche no hatama Formulariu Inskrisaun Konsular; Favor hare'e rekizitu sira ba INSKRISAUN KONSULAR, no lori hotu wainhira atu mai tuir recenseamentu. Click iha ne'e atu hare'e rekizitu sira.
2. Hamutuk ho Formulariu Inskrisaun Konsular ne'e, eleitor presiza apresenta orijinal ka kopia autentikada hosi dokumentu tuir mai ne'e, naran ida deit:

  • Bilhete Identidade RDTL nian, ka
  • Passaporte RDTL, ka
  • Certifikadu moris RDTL, ka
  • Sertidaun sarani nian, ka
  • Sedula pessoal ba komunidade Musulmanu ka relijiaun seluk.

Karik sidadaun ruma iha Reinu Unidu la iha dokumentu sira hanesan temi iha leten, nia presiza:
1. Preenche no hatama Formulariu Inskrisaun Konsular; no
2. Aprezenta dokumentu ofisial ruma ne'ebe autoridade Reinu Unidu nian maka hasai, ne'ebe identifika katak ema ne'e moris iha Timor-Leste, ka ninia inan-aman sidadaun Timor-Leste, ka

3. Apresenta dokumentu identifikasaun ruma (hanesan passaporte) ne'ebe iha laran hatete momos katak nia moris iha Timor-Leste.


Inskrisaun Provizoria
1. Sidadaun sira ne'ebe iha tinan sanulu resin ne'en (16) bele tau naran ona iha recenseamentu;
2. Wainhira nia tau naran ona, maibe iha loron eleisaun nia seidauk too tinan 17, nia sei labele vota;
3. Sidadaun sira ne'ebe taun naran ona molok nia halo tinan sanulu resin hitu, bele tuir votasaun karik nia iha ona tinan sanulu resin hitu molok loron eleisaun.

  

AVIZU


Liu husi website ida ne'e, Embaixada Timor-Leste nian kontinua aktualiza informasaun kona-ba prosesu eleisaun nian, hahu'u hodi resenseamentu eleitoral to'o votasaun. Informasaun sira ne'e sei inklui loron no fatin ba aktividade sira iha faze ida-idak. Ba sidadaun sira nia atensaun, ami hatoo obrigado barak.

 

Copyright © Embassy of Timor-Leste in London. All Rights Reserved.