Image description

Embassy of Timor-Leste

London

Image description

Eleisaun 2018

  

Prosedimentu ba Resenseamentu

 

Ba resenseamentu eleitoral, Embaixada prepara ona formulariu pre-inskrisaun ida, ne'ebe eleitor sira iha Reinu Unidu bele asesu, preenche no hatama tuir internet. Pre-inskrisaun ida ne'e laos resenseamentu eleitoral, maibe presiza atu Ekipa Eleitoral bele organiza no halao resenseamentu ho efisiensia no efetividade. 

Wainhira eleitor sira hatama ona formulariu pre-inskrisaun ne'e, Ekipa Eleitoral sei ahtan hodi fo numeru fila (nomor antrian), loron no oras atu mai halo resenseamentu, no fatin resenseamentu. Ida ne'e mos sei fasilita eleitor sira atu planeia didiak sira nia viajen mai fatin resenseamentu nian, no atu evita eleitor sira hein tempu naruk liu atu halo resenseamentu. 

Alem ida ne'e, no importante liu, sistema pre-inskrisaun no alokasaun numeru fila (nomor antrian) ne'e mos atu evita ema barak liu halibur iha Embaixada nia oin. Ida ne'e tamba Embaixada Timor-Leste nian iha Londres ne'e iha prediu ida ne'ebe laos Embaixada ninian rasik. Embaixada aluga deit kuartu iha prediu ida ne'ebe ia mos organizasaun selu-seluk nia eskritoriu. Tamba ida ne'e, Embaixada presiza garante katak resenseamentu ne'e la perturba aktividade hosi organizasaun seluk ne'ebe okupa prediu hanesan. 

 

Prosesu resenseamentu eleitoral ne'e sei halao tuir prosedimentu hanesan tuir mai::

 

Mesa I - Verifikasaun Dokumentus:

1. Eleitor aprezenta dokumentu sira ne'e rekere atu halo resenseamentu;

2. Ofisial Eleitoral ida sei verifika dokumentu sira ne'e hodi are'e sira tuir rekizitu ba resenseamentu nian ka lae. Karik lae, nia sei husu eleitor atu kompleta dokumentu ne'ebe falta, ka troka dokumentu ne'ebe la tuir rekizitu.

 

Eleitor ne'ebe iha ona kartaun eleitoral no mai tuir resenseamentu atu aktualiza deit nia kartaun, bele hakat liu ba Mesa III wainhira hotu tiha iha Mesa I. Ofisial Eleitoral nian sei hatudu atu kontinuaba Mesa III. 

 

Formulariu aktualizasaun base de dados nian bele hetan iha okos.


Mesa II - Preenche formulariu eleitoral - Ba sira ne'ebe rejistu foun:

3. Ofisial Eleitoral nian hatama dadus eleitor nian ho liman ba kadernu inskrisaun eleitoral nian;

4. Ofisial Eleitoral sei hatudu formulariu ne'ebe nia preenche ona ne'e ba eleitor hodi hare'e informasaun ne'ebe hatama ne'e los hotu ka lae. Karik iha informasaun ruma mak la los ka la kompletu, sei halo los no halo kompletu. Wainhira los hotu ona, eleitor sei asina formulariu eleitoral nian.

 

Mesa III - Digital input:

4. Ofisial Eleitoral sei hatama dadus hosi formulariu inskrisaun nian ba baze de dadus;

5. Ofisial Eleitoral sei foti dadus biometriku hosi eleitor. Karik presiza hasai forografia foin, mos bele hasai iha ne'e;

6. Ofisial Eleitoral nian sei hatudu dadus ne'ebe nia hatama ona ba baze de dadus hodi eleitor hare'e, no hadia karik presiza;

7. Eleitor sei asina kartaun ho asinatura elektroniku;

8. Ofisial Eleitoral nian sei imprimi kartaun eleitoral foun ba eleitor.

Click iha sorin atu download Formulariu Aktualizasaun Baze de Dados: 

Form_Aktualiza_eleitor_online.pdf
Click iha leten atu download formulariu.

  

AVIZU


Liu husi website ida ne'e, Embaixada Timor-Leste nian kontinua aktualiza informasaun kona-ba prosesu eleisaun nian, hahu'u hodi resenseamentu eleitoral to'o votasaun. Informasaun sira ne'e sei inklui loron no fatin ba aktividade sira iha faze ida-idak. Ba sidadaun sira nia atensaun, ami hatoo obrigado barak.


Copyright © Company Name. All Rights Reserved.